1，鬼迷心窍--"举"摸头

　　本生以为，生活就搿能一副氽头势勒，死(西)阳怪气日脚，再也勿会有啥花头。

　　一家头独来独往(王)，也(鞋)蛮潇洒。

　　可是老天爷触揢，偏生(桑)让我认得侬……

　　天晓得、地晓得还是鬼(举)晓得，

　　侬从头到脚嗄(鞋)里得好，但是我啱啱较碰啱啱较(啱:音眼)独是欢喜侬。

　　真是鬼摸头。

　　2，

　　侬论卖相有卖相，论条干有条干，实在吃价。

　　(看到侬，我实在买账、伏贴。)

　　所以，我已经吃煞侬，爱煞侬，一生一世认定侬。

　　3，

　　人家侪(才)讲，我搭仔侬是：

　　"田鸡配癞头，百脚配蜈蚣；

　　天生一对好夫妻，第二样配件没地方去寻"。

　　侬讲啊对？

　　4，

　　侬害得我，吃勿牢来，睏勿着，

　　日日(热热)牵记侬。我强烈要求侬，用一生一世来赔偿我合精神损失。

　　5，

　　我。

　　搭侬勒了一道，总归赫开心合。

　　只要一想到侬，足归牢焐心合。

　　几天看勿到侬，就牢牢殟塞合。

　　只要一看到侬，就邪气惬意合。

　　6，

　　相信我，勿会让侬吃药。我能保证侬77年合幸福。

　　选择我，勿会错。

　　7，

　　勿要再帮我盘迓摸摸，请侬立时三刻"喜"出来。

　　8，

　　我敲定三刻钟横里"喜"到侬面前。

　　9，

　　侬勿要嫌(盐)鄙我，卖相及勿上周润发，板板及勿上李嘉诚。

　　但是，我对侬合爱，是无论几化铫子水也是浇勿隐合。

　　(太平洋合水倒出来，是勿可能合；倒几浴缸水，侬也忒吃力了。)

　　10，

　　虽然，侬卖相及勿上周润发，但是噱头也蛮嗲合。

　　虽然，侬板板及勿上李嘉诚，我相信是合增长股。

　　11，

　　明朝日里向，我老辰光、老地方、老规矩塔侬碰头……

　　12，

　　今朝夜快头，我老辰光、老地方、老规矩塔侬碰头……

　　13，十三

　　我迪合人，是赫"十三"，牢牢"十三"，顶顶"十三"，最最"十三"，交关"十三"，邪气"十三"(直率)；呒啥我勿敢讲合。

　　讲拨侬听：我已经横竖横，拆牛棚，定规要讨侬做老婆。

　　14，

　　我爱侬，就像老虫爱大米！

　　15，

　　我要侬，今朝就表态，

　　到底对我爱勿爱，

　　侬要继续摆花班，

　　我就跟侬三办办(say bye-bye说再会)

　　到辰光啊，

　　懊憦就忒晏哉。

　　16，

　　蓬徐吴！(沪语"蓬bon徐j吴ou"快读，谐音法语bonjour白天好。)

　　17，

　　蓬思娃黑！(沪语"蓬思娃黑"，谐音法语bonsoir晚上好。)

　　18，

　　傻口伐！(沪语"傻口伐"，与法语?a va你好，同音。)

　　19，

　　蛮合西！(沪语"蛮合西"，谐音法语Mersi谢谢。)

　　20，

　　习对没！或：绝对没！(沪语"习对没"，谐音法语"Je t'aime!我爱侬！"。老上海话中"绝、习"同音。)

　　21，

　　祝侬合生意，

　　时时起蓬头，刻刻有炀头，日日有赚头，夜夜数粒头。

　　22，

　　我已经拿我全部合爱，一塌刮子、亨八郎当、侪部高(交)拨勒侬！

　　23，

　　看见侬触气，看勿见侬厌气，认得侬福气(或晦气)，总而言之：侬顶顶惹([za])气。

　　(朱晔毅)

   手机铃声下载 快乐多多 快来搜索好歌!